У Беларусі распачалі крымінальную справу супраць маці загінулага добраахвотніка
Наталля Суслава з каліноўцамі / t.me/belwarriors
У Беларусі распачалі крымінальную справу супраць маці загінулага ва Украіне добраахвотніка Паўла "Волата" Наталлі Суславай. Блізкія да сілавікоў тг-каналы пішуць, што яе абвінавачваюць у "садзейнічанні экстрэмісцкай дзейнасці" — за інтэрв'ю тэлеканалу "Белсат".
Наталля Суслава жыве ва Украіне. Яна дапамагае беларускім добраахвотнікам.
Камандзір роты беларускага палка (тады яшчэ батальёна) імя Кастуся Каліноўскага Павел "Волат" загінуў у траўні 2022-га падчас вызвалення аднаго з украінскіх населеных пунктаў ад расійскіх акупантаў. Ён ваяваў за Украіну з 2016 года.
t.me/belwarriors
