Вы тут

Гамяльчук спускаўся з чацвёртага паверху па прасцінах і разбіўся насмерць

Гамяльчук спускаўся па прасцінах і разбіўся / vk.com/gomelchp

У Гомелі загінуў мужчына, які спускаўся па прасцінах з чацвёртага паверху. Пра трагедыю паведаміла суполка "ЧП Гомель" у сацсетцы "Вконтакте". 

У нядзелю, 19 чэрвеня пад вокнамі шматпавярховіка на вуліцы Чапаева знайшлі мужчыну. Каля 14:00 ён па прасцінах спускаўся з акна кватэры на чацвёртым паверсе. Прасціны абарваліся, і мужчына зваліўся на асфальт каля дома.

Адміны суполкі паведамляюць, што сведкі і міліцыянты спрабавалі дапамагчы пацярпеламу да прыбыцця медыкаў. Мужчына прыйшоў у прытомнасць, але пазней памёр у лякарні ад атрыманых траўмаў.

Прычыны такога экстравагантнага спуску пакуль невядомыя. Падпісчыкі суполкі звярнулі ўвагу, што за мужчынам нехта зачыніў акно, пакінуўшы яго адчыненым "на праветрыванне".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.