Вагнераўцы ў Беларусі — "ударны кулак" для захопу Сувалкскага калідора
Баевікі ПВК "Вагнер"
Вагнераўцы патрэбныя ў Беларусі, каб "у выпадку чаго" хутка захапіць Сувалкскі калідор. Такімі фантазіямі падзяліўся кіраўнік камітэта Дзярждумы Расіі па абароне Андрэй Картаполаў.
"Ёсць такі Сувалкскі калідор... І вось гэты Сувалкскі калідор у выпадку чаго нам вельмі патрэбны. Гаворка ідзе пра тое, што гатовы ўдарны кулак, які гэты няшчасны калідор возьме за лічаныя гадзіны", — сказаў дэпутат.
Сувалкскі калідор — сухапутная мяжа паміж Польшчай і Літвой. Гэты адрэзак даўжынёй 70 км аддзяляе Беларусь ад Калінінградскай вобласці Расіі. У выпадку яго захопу Літва, Латвія і Эстонія будуць адрэзаныя ад іншых краінаў НАТА.
Некалькі сотняў вагнераўцаў на гэтым тыдні прыбылі ў Беларусь. Верагодна, яны размясціліся ў палявым лагеры пад Асіповічамі. Мінабароны Беларусі паведамляе, што яны пачалі трэніроўкі разам з беларускімі вайскоўцамі.
Але вось баявых дзеянняў на тэрыторыі краін НАТА яны напэўна не пачнуць.
