У Венгрыі праходзяць лёсавызначальныя выбары — Орбан можа згубіць уладу

Найбольш дакладная ў апошнія дзесяцігоддзі венгерская сацыялагічная кампанія Median сцвярджае, што "Ціса" мусіць атрымаць канстытуцыйную большасць у парламенце. На мінулых выбарах яна прадракала вялікія перамогі партыі Орбана, то бок у ангажаванасці яе абвінаваціць складана.

Канстытуцыйная большасць у парламенце — тое, што патрэбна апазіцыі, каб змяніць шэраг найбольш важных законаў і звольніць некаторых чыноўнікаў. Бо апошнія гады Орбан змяняў заканадаўства так, каб простай большасці на кардынальныя змены выбудаванай ім сістэмы не хапала.