Бундэсвер прапануе 18-гадовым далучыцца да нямецкага войска
Салдаты Бундесвера / АЗЕРТАДЖ
Бундэсвер разаслаў амаль 200 тысяч анкет 18-гадовым юнакам і дзяўчатам для адбору на вайсковую службу. Ініцыятыва, якая стартавала 15 студзеня, рэалізуецца ў межах новай праграмы.
Апытанне заклікана ацаніць прыдатнасць і матывацыю да службы маладых людзей у нямецкім войску. Запоўніць анкету мусяць усе хлопцы, тады як дзяўчаты могуць зрабіць гэта па ўласным жаданні. Вайсковая служба ў краіне па-ранейшаму застаецца добраахвотнай.
У нямецкім Мінабароны кажуць, пакуль рана рабіць высновы аб рэакцыі грамадства на гэтую ініцыятыву. Аднак сёлета там назіраюць больш актыўную цікавасць да арміі, чым за аналагічны перыяд 2025 года.
У той жа час прэм'ер-міністр Баварыі Маркус Зёдэр раскрытыкаваў план урада па павелічэнні колькасці добраахвотнікаў ва ўзброеных сілах. Ён мяркуе, што адзіным эфектыўным рашэннем з'яўляецца абавязковая вайсковая служба.
