У Астраўцы, дзе актыўна змагаюцца з "экстрэмізмам", адкрылі новы будынак суда
![У Астраўцы 5 верасня арганізавалі ўрачыстае мерапрыемства](/sites/default/files/styles/gallery_main/public/2024-09/856d18827b67d35e73350c1a46ae7b8b.jpg.webp?itok=Wl4JCsyR)
У Астраўцы 5 верасня арганізавалі ўрачыстае мерапрыемства / sb.by
У Астраўцы, дзе актыўна змагаюцца з "экстрэмізмам", адкрылі новы будынак раённага суда. На яго не пашкадавалі 12 мільёнаў рублёў. Грошы знайшлі ў рэспубліканскім бюджэце.
Прапагандысты падкрэсліваюць, што плошча памяшканняў у новым судзе ў чатыры разы перавышае квадратуру старога будынка. І гэта не дзіўна. Астравецкая міліцыя сёлета прыцягвае ўвагу сваёй статыстыкай, якую нават не хавае. У некаторыя тыдні "распаўсюд экстрэмізму" займае ў раёне першае ці другое месца сярод усіх правапарушэнняў. Атрымліваецца, што мясцовыя міліцыянеры займаюцца пошукамі экстрэмізму больш, чым усімі астатнімі справамі. Адпаведна будзе больш людзей, якіх яны дастаўляюць у суд.
"У гэтым будынку зручна працаваць персаналу суда, пракурорам, адвакатам. Але галоўнае — яно будавалася для людзей", — сказаў старшыня Вярхоўнага суда Валянцін Сукала, які прыязджаў у Астравец.
![У Астраўцы, дзе актыўна змагаюцца з "экстрэмізмам", адкрылі новы будынак суда](/sites/default/files/styles/default_image_paragraph/public/paragraphs/image/0ef14f7635b2d683ae4926c48b5d5fa6.JPG.webp?itok=fMeoLmQW)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.