Стала вядома пра адмену чарговага буйнога фэсту ў Беларусі
Фэст "Свята сонца" ў Дудутках / npr.by
Купальскі фэст "Свята Сонца", які штогод праходзіць летам у Дудутках, сёлета адменены. Пра гэта паведамілі ў сацсетках арганізатары мерапрыемства.
"На вялікі жаль, фэст "Свята Сонца" ў гэтым годзе не адбудзецца", — гаворыцца ў паведамленні. Прычыны адмены фэсту арганізатары не ўдакладнілі.
Фэст "Свята Сонца" ладзілі ў музейным комплексе "Дудуткі" з 2016 года. Ён быў прымеркаваны да Купалля. Гасцей чакалі фаер-шоу, канцэрты фолк- і рок-гуртоў, кірмашы рамёстваў ды іншыя забавы. Летась супраць свята змагалася прарасійская актывістка Вольга Бондарава, але беспаспяхова.
"Свята Сонца" стаў сёлета не першым адмененым фестывалем. Раней паведамлялася пра скасаванне некалькіх оўпэн-эйраў. Гэта адбылося пасля стварэння рэестра арганізатараў культурна-відовішчных мерапрыемстваў. Прыватныя кампаніі фактычна страцілі магчымасць свабодна арганізоўваць канцэрты і фэсты.
@euroradio.news У Беларусі адмянілі чарговы фестываль. Пра адмену паведамілі арганізатары "Свята сонца". Прычыны каманда праекту не агучыла. Фэст праводзіўся ў музейным комплексе "Дудуткі" з 2016 года. Ён быў прысвечаны Купаллю. #беларусь #беларусьсейчас #новостибеларуси #фестивалибеларуси #беларусь2026 ♬ original sound - euroradio.news
