Палітвязень Велясніцкі па "справе Зельцэра" асуджаны на 2,5 года калоніі
![Аляксандр Велясніцкі / Скрыншот з відэа](/sites/default/files/styles/gallery_main/public/2023-08/Vel.jpg.webp?itok=pFo9EFcU)
Аляксандр Велясніцкі / Скрыншот з відэа
Палітвязень Аляксандр Велясніцкі па "справе Зельцэра" асуджаны на 2,5 года калоніі. Брэсцкі абласны суд прызнаў былога вайскоўца вінаватым у "распальванні варожасці", піша @viasna96.
Нагодай для затрымання стаў каментар, які Велясніцкі нібыта пакінуў у "экстрэмісцкім" тг-канале пра забітага ў Мінску ў перастрэлцы з айцішнікам Андрэем Зельцэрам афіцэра КДБ Дзмітрыя Федасюка. На судзе палітвязень адмовіўся ад паказанняў, дадзеных раней. Ён расказаў пра катаванні, што ў дзень затрымання пінскія супрацоўнікі КДБ пагражалі прастрэліць яму ногі.
Аляксандр Велясніцкі — былы памежнік. 14 жніўня 2020-га ён запісаў відэазварот, у якім асудзіў гвалт з боку сілавікоў і адмовіўся ад медаля "За бездакорную службу". Яго затрымалі ў верасні 2021 года. Роўна праз год Аляксандр Лукашэнка пазбавіў яго вайсковага звання старшага лейтэнанта запасу.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.