На волю выйшаў палітвязень-анархіст, асуджаны яшчэ да пратэстаў 2020 года
Мікіта Емяльянаў на волі / dissidentBY
На волю выйшаў анархіст-палітвязень Мікіта Емяльянаў, якога асудзілі яшчэ да пратэстаў 2020 года. Прысуджаны тэрмін зняволення ён адбыў цалкам.
За кратамі Мікіта правёў шэсць з паловай гадоў, прычым больш за 648 сутак — у ШІЗА, піша праваабарончая ініцыятыва dissidentBY.
Ужо з'явілася першае фота Емяльянава на волі. Маці кажа, што ён пачуваецца добра, здароўе не пагоршала.
Мікіта Емяльянаў быў затрыманы ў кастрычніку 2019 года за акцыі салідарнасці з палітвязнямі. Ён кінуў кактэйль Молатава ў дзверы СІЗА-1 ( на вуліцы Валадарскага), а таксама абліў фарбай будынак суда, дзе на той момант праходзіў суд над палітвязнем Дзмітрыем Паліенкам.
