Паліцыя Маямі не знайшла прыкмет гвалтоўнай смерці экс-хакеіста Кальцова
![Канстанцін Кальцоў](/sites/default/files/styles/gallery_main/public/2024-03/ls1cxwlhmdj54790yttjb5hjvik1h23g.jpg.webp?itok=jFiyvZT3)
Канстанцін Кальцоў / hcsalavat.ru
Амерыканскія следчыя не знайшлі прыкмет гвалтоўнай смерці беларускага экс-хакеіста Канстанціна Кальцова. Пра гэта паведамляе "РИА Новости" са спасылкай на паліцэйскае ўпраўленне акругі Маямі-Дэйд.
"Бюро па расследаванні забойстваў паліцэйскага ўпраўлення Маямі-Дэйд працягвае вывучаць абставіны самагубства Канстанціна Кальцова. Ніякіх падазрэнняў у гвалтоўным характары гібелі ў следчых няма", — кажуць у прэс-службе паліцэйскага ўпраўлення.
42-гадовы экс-хакеіст зборнай Беларусі Канстанцін Кальцоў загінуў 18 сакавіка ў Маямі. Як паведамлялася, ён скочыў з гаўбца свайго нумару на 23-м паверсе гатэля.
З'яўляліся паведамленні, што Кальцоў скончыў жыццё самагубствам, аднак яго былая жонка была ўпэўненая, што здарыўся няшчасны выпадак.
Тэнісістка Арына Сабаленка, з якой у Кальцова былі блізкія адносіны, праз два дні пасля яго смерці напісала ў сацсетках, што яны ўжо не былі разам, але смерць Кальцова стала для яе нечуванай трагедыяй.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.