На каталіцкіх могілках у Мінску заканчваецца будаўніцтва сакрэтнага будынка

У сацсетках з'явілася новае фота будоўлі каля касцёла святога Роха на Залатой Горцы ў Мінску. Аўтар здымка паставіў лаканічны подпіс "Мой боль", заўважыла выданне katolik.life.

На фота відаць, што будынак ужо амаль узведзены.

Раней паведамлялася, што будаўніцтва на месцы старых каталіцкіх могілак не было ўзгодненае ні ў якіх гарадскіх планах — тут меркавалася разбіць парк.

Паводле неафіцыйнай інфармацыі, гэты будынак належыць КДБ, тут будзе размяшчацца новы корпус Акадэміі нацыянальнай бяспекі.

Пры будаўніцтве з зямлі былі ўзнятыя шматлікія парэшткі пахаваных тут людзей. Іх абяцалі перадаць парафіі для перапахавання. Але вернікі кажуць, што гэтага пакуль не адбылося.