"Мы не просім свет змагацца за нас. Дапамажыце нам" — Ціханоўская ў Давосе

Святлана Ціханоўская падчас Сусветнага эканамічнага форуму ў Давосе щзяла ўдзел у дыскусіі, прысвечанай аднаўленню Украіны пасля вайны. Падчас дыскусіі зайшла гаворка і пра праблемы Беларусі, эканамічныя і палітычныя. Абмяркоўвалася і пытанне пра спосабы барацьбы з дыктатурай Лукашэнкі. Святлана Ціханоўская адзначыла, што "барацьба з тыраніяй – гэта не нейкая лакальная бітва, якая тычыцца толькі Украіны ці Беларусі, гэта глабальная бітва". На яе думку, "даць адпор дыктатуры – абавязак кожнай краіны". Дыктатары пачынаюць супрацоўнічаць адзін з адным, ствараюць кааліцыю, у тым ліку і для барацьбы з дэмакратычным светам.

“І якая рэакцыя дэмакратычнай супольнасці? "Мы стаміліся!", — адзначыла Святлана Ціханоўская.

Яна лічыць, што аслабіць рэжым Лукашэнкі магла б палітычная ізаляцыя і прыцягненне да адказнасці яго і ягоных памочнікаў. Акрамя таго лідарка беларускіх дэмакратычных сіл казала пра дапамогу, якую маглі б даць заходнія краіны беларусам, якія выступаюць супраць рэжыму.

"Мы не просім свет змагацца за нас. Дапамажыце нам выйграць гэтую вайну. Нам патрэбна ваша дапамога", — сказаў падчас дыскусіі Святлана Ціханоўская.

Напярэдадні, у першы дзень працы Сусветнага эканамічнага форуму, у Давосе адбылося таксама спецыяльнае мерапрыемства, прысвечанае Беларусі. Яго арганізавала дэлегацыя Грэцыі.