У Гомельскай вобласці расце колькасць злачынстваў у сельскай гаспадарцы
![У Гомельскай вобласці расце колькасць злачынстваў, звязаных з утойваннем фактаў падзяжу БРЖ / ілюстрацыйнае фота pixabay.com](/sites/default/files/styles/gallery_main/public/2023-08/cows_11_11.jpg.webp?itok=LJ5hbOrC)
У Гомельскай вобласці расце колькасць злачынстваў, звязаных з утойваннем фактаў падзяжу БРЖ / ілюстрацыйнае фота pixabay.com
У Гомельскай вобласці прыкметна вырасла колькасць злачынстваў, звязаных з утойваннем падзяжу буйной рагатай жывёлы, паведамляе абласная тэлекампанія. У вобласці зараз ідзе комплексная праверка сельгаспрадпрыемстваў.
"У гэтым годзе супрацоўнікі пракуратуры наведалі практычна ўсе сельгаспрадпрыемствы вобласці, некаторыя нават двойчы", — распавёў намеснік пракурора вобласці Уладзімір Тарасенка.
У выніку за 9 месяцаў гэтага года былі распачатыя 79 крымінальных спраў па фактах унясення загадзя ілжывых звестак аб рэалізацыі і падзяжы жывёлы. У мінулым годзе такіх спраў было 54. Акрамя таго, пракуратура падала ў суды вобласці 123 іскі аб кампенсацыі шкоды з-за падзяжу жывёлы. Агульная сума іскаў складае больш за 180 тысяч рублёў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.