У тры разы скарацілася колькасць камбайнаў за гады кіравання Лукашэнкі
Камбайн / pixabay.com
У Беларусі працягвае памяншацца колькасць асноўных відаў тэхнікі, машын і абсталявання ў сельскагаспадарчых арганізацыях, заўважыў "Позірк".
Станоўчых тэндэнцый не назіраецца з пачатку 1990-х, гэта значыць з моманту прыходу да ўлады Лукашэнкі ў 1994 годзе. Толькі за гады яго кіравання колькасць асноўных сельгасмашын паменшылася ўтрая.
Напрыклад, збожжаўборачных камбайнаў стала менш у 3,3 разы: з 24 тысяч у 1994 годзе да 7 тысяч у 2025 годзе. Колькасць трактароў за той жа перыяд часу ўпала ў 3,4 разы: са 116 тысяч да 34 тысяч.
