Беларусы забілі гол фінам на 14-й секундзе — гэта рэкорд зборнай
Гэта быў адзіны гол у матчы / АБФФ
6 кастрычніка зборная Беларусі па футболе правяла чарговы матч у Лізе нацый. Беларусы гулялі з фінамі і здабылі перамогу з мінімальным лікам — 1:0. Гол на 14-й секундзе забіў Арцём Шуманскі.
Лік мог быць большым, але беларусы не рэалізавалі пенальці. Выконваць яго даручылі не Шуманскаму, які яго заработаў, а Захару Волкаву. Той не справіўся.
Беларуская зборная ўпершыню абыграла Фінляндыю, забіўшы самы хуткі гол у сваёй гісторыі.
Дзякуючы гэтай перамозе беларусы выйшлі на другое месца ў групе С. Наперадзе ў каманды Віктара Ганчарэнкі матчы з Албаніяй і Сан-Марына.
