Прэзідэнт Казахстана Такаеў забраў сабе пасаду, якая была ў Назарбаева
5 студзеня прэзідэнт Казахстана Касым-Жамарт Такаеў выступіў са зваротам да нацыі. Ён заявіў, што ўступае на пасаду старшыні Савета бяспекі краіны (дагэтуль яе займаў Нурсултан Назарбаеў, экс-прэзідэнт, сыходу з палітыкі якога патрабуюць пратэстоўцы). У Маскве прагназуюць, што Такаеў заменіць усіх людзей Назарбаева ў сілавых структурах.
Касым-Жамарт Такаеў запэўніў, што не збіраецца пакідаць сталіцу Нур-Султан, а ў якасці кіраўніка Савета бяспекі будзе дзейнічаць жорстка (згадаў пра ахвяры сярод сілавікоў). Прэзідэнт паабяцаў у бліжэйшы час агучыць прапановы па "палітычнай трансфармацыі" Казахстана.
