Юрыстка Колесава-Гудзіліна абвінавачвае юрфак БДУ ў парушэнні правоў чалавека
![Студэнт юрфака БДУ / кадр з інстаграм-акаўнта юрфака БДУ](/sites/default/files/styles/gallery_main/public/2023-08/jurfak-2405.jpg.webp?itok=9_dyIG4u)
Студэнт юрфака БДУ / кадр з інстаграм-акаўнта юрфака БДУ
Юрыстка Марыя Колесава-Гудзіліна абвінавачвае юрыдычны факультэт БДУ ў парушэнні правоў чалавека. Нагодай стала відэа, апублікаванае ў інстаграм-акаўнце навучальнай установы. У роліку студэнт юрфака "каецца" ў распаўсюдзе звестак, якія ачарняюць адміністрацыю факультэта і арганізацыю БРСМ факультэта.
"Юрфак БДУ парушае правы чалавека! Відэа (я адмыслова закрыла твар) на фоне плаката юрфака сведчыць пра тое, што выкладчыкі парушаюць стандарты правоў чалавека. Прымус да ўдзелу ў такіх роліках парушае волю выказвання думак. Гэта простае парушэнне прэзумпцыі невінаватасці, калі чалавек змушаны ў непрацэсуальнай форме прызнацца ў здзяйсненні забароненых дзеянняў", — піша Колесава-Гудзіліна.
Яна ацэньвае гэтае відэа як зневажальнае абыходжанне і лічыць, што яго аўтараў трэба прыцягваць да адказнасці за прымус здымацца ў такіх роліках.
"Гэта трапляе пад кваліфікацыю арт. 426 КК — злачынства супраць чалавечнасці, якое здзяйсняецца прадстаўніком дзяржавы", — піша юрыстка.
Раней такія відэа публікавалі пераважна каналы сілавікоў і звязаныя з імі каналы дзяржаўных прапагандыстаў. У іх затрыманыя беларусы начытвалі тэкст, які ім падрыхтавалі сілавікі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.