У Мінску зладзілі традыцыйны парад пажарных (фота)
А пазней — паказальныя выступы, падчас якіх выратавальнікі гарэлі ў агні і танулі ў вадзе.
25 ліпеня ў Беларусі адзначаецца Дзень пажарнай службы. З гэтай нагоды Міністэрства надзвычайных сітуацый зладзіла ў Мінску традыцыйны парад. Ля Плошчы Перамогі на праспекце Незалежнасці можна было ўбачыць тэхніку пажарных службаў розных гадоў, а таксама тут маршам прайшлі пешыя пажарныя разлікі.
Таксама на пляцоўцы Парка Горкага адбыліся паказальныя выступы роты ганаровай варты, выратавальных служб МНС і выратавальнікаў на вадзе, паведамляе “Наша Ніва”.
