Тайвань забараніў пастаўкі высокатэхналагічнай прадукцыі ў Расію і Беларусь
![Тайвань забараніў пастаўкі высокатэхналагічнай прадукцыі ў Расію і Беларусь](/sites/default/files/styles/gallery_main/public/2023-08/schema-0106.jpg.webp?itok=MsD5EYTF)
Міністэрства эканомікі Тайваня забараніла экспарт высокатэхналагічнай прадукцыі ў Расію і Беларусь, піша gamemag.ru.
Прычым Беларусь трапіла пад гэтыя эканамічныя санкцыі, каб не дапамагала Расіі іх абыходзіць.
Пад забарону трапілі, напрыклад, наступныя тавары:
мікрапрацэсары або мікрасхемы з узроўнем хуткадзейнасці 5 гігафлопс і вышэй, а таксама разраднасцю доступу 32 біты і больш;
мікрасхемы з больш як 144 кантактамі;
абсталяванне для аптычнай і рэнтгенаўскай літаграфіі;
сканеры;
электронна-сканавальныя мікраскопы для аўтаматычнай праверкі мікрачыпаў.
Для Тайваня паўправадніковае абсталяванне з'яўляецца асноўнай катэгорыяй экспарту. У 2021 годзе на яго прыпадала 32% ад агульнага аб'ёму экспарту. Асноўнымі рынкамі збыту з'яўляюцца Кітай, Ганконг, Сінгапур і ЗША.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.