СК пачаў спецвытворчасць на Жываглод, Лібера, Марыніча і Дабравольскага
![Алена Жываглод](/sites/default/files/styles/gallery_main/public/2023-08/alena_1.jpg.webp?itok=gbAexuVo)
Алена Жываглод
Следчы камітэт пачаты працэс спецыяльнай вытворчасці на палітэмігрантаў Алену Жываглод (Жылачкіну), Паўла Марыніча, Паўла Лібера і Аляксандра Дабравольскага.
Як паведамляецца ў тг-канале СК, іх падазраюць у перашкодзе працы Цэнтрвыбаркама.
Алена Жываглод — віцэ-спікерка Каардынацыйнай рады, лідарка грамадскай суполкі "Сумленныя людзі". Павел Марыніч — кіраўнік "Маланка медыя". Павел Лібер — стваральнік платформы "Новая Беларусь", праекта "Голас". Аляксандр Дабравольскі — дарадца Святланы Ціханоўскай па палітычных пытаннях.
Спецвытворчасць — завочнае расследаванне, якое рэжым Аляксандра Лукашэнкі прыдумаў супраць палітычных эмігрантаў. Вынікам такога расследавання з'яўляецца завочны суд з абавязковым асуджэннем апанентаў улады.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.