Па Жытомірскай вобласці Украіны нанеслі ракетны ўдар — верагодна, з Беларусі
![Па Жытомірскай вобласці Украіны нанеслі ракетны ўдар — верагодна, з Беларусі](/sites/default/files/styles/gallery_main/public/2023-08/rakieta-1608.jpg.webp?itok=E-VNYVCJ)
У Жытомірскім раёне на поўначы Украіны адбыліся два выбухі ў выніку ракетнага ўдару. Абласная вайсковая адміністрацыя паведамляе, што, паводле папярэдняй інфармацыі, абстрэл вёўся з тэрыторыі Беларусі.
Незадоўга да таго тэлеграм-канал "Беларускі Гаюн" паведамляў аб пралёце знішчальніка ў Столінскім раёне. "Магчыма ВКС РФ зноў ужываюць тактыку вылетаў самалётаў у пахмурнае і хмарнае надвор'е, каб хаваць пускі ракет", — робяць выснову аўтары канала.
Расійскія войскі ўжо не спрабуюць наступаць на Украіну з тэрыторыі Беларусі, як было на пачатку айны. Аднак, мяркуючы па паведмленнях, яны працягваюць абстрэльваць Украіну, выкарыстоўваючы беларускія базы.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.