Расія атакавала Украіну нягледзячы на прапанаваны Кіевам рэжым цішыні
Наступствы ўдару па Харкаве / ДСНС Украіны
У ноч на 6 траўня расійскія войскі запусцілі па Украіне дзве балістычныя ракеты "Іскандэр-М", кіраваную авіяцыйную ракету і 108 беспілотнікаў. Пра гэта паведамляюць паветраныя сілы УСУ.
Паводле папярэдніх звестак, украінцам удалося збіць 89 расійскіх дронаў. Але ракеты і дзевяць ударных беспілотнікаў пацэлілі ў восем лакацый, адзначае hromadske.ua.
Напярэдадні ўкраінскі бок абвясціў з 6 траўня рэжым цішыні. Нягледзячы на гэта расіяне атакавалі Харкаў, Днепрапятроўскую і Запарожскую вобласці. У Харкаве, у прыватнасці, ад абстрэлаў пацярпелі прынамсі сем прыватных дамоў.
У Запарожжы па стане на раніцу 6 траўня вядома пра 43 пацярпелых. 18 чалавек знаходзяцца ў клініках, у тым ліку чацёра — у цяжкім стане.
