Зяленскі ў Бруселі анансаваў прыезд у Мінск начальніка ўкраінскага Генштаба
![Зяленскі ў Бруселі анансаваў прыезд у Мінск начальніка ўкраінскага Генштаба](/sites/default/files/styles/gallery_main/public/2023-08/1559663766-9035.jpg.webp?itok=Xet59aDH)
Уладзімір Зяленскі ў Бруселі анансаваў прыезд у Мінск начальніка ўкраінскага Генштаба Руслана Хамчака. Ён возьме ўдзел у пасяджэнні Трохбаковай кантактнай групы па ўрэгуляванні сітуацыі на ўсходзе Украіны. На ім будуць агучаныя новыя прапановы Кіева, інфармуе pravda.com.ua.
На сумеснай прэс-канферэнцыі з генсекам NATO Енсам Столтэнбергам Уладзімір Зяленскі паведаміў, што пасяджэнне адбудзецца ўжо 5 чэрвеня. Ён агучыў некаторыя тэмы перамоваў: прыпыненне агню і абмен палоннымі.
Як вядома, нядаўна ў складзе ўкраінскага прадстаўніцтва ў кантактнай групе адбыліся змены. Між іншым, у яе вярнуўся экс-прэзідэнт Украіны Леанід Кучма.