У Польшчы cхапілі першага падазраванага ў рассылцы мэйлаў пра бомбы
Пра гэта журналістам паведаміў кіраўнік МУС Бартламей Сенкевіч.
Паводле яго слоў, гэта — мужчына. Іншыя дэталі пакуль не паведамляюцца.
"Мы на правільным шляху. Гэтае затрыманне стане пачаткам. Я спадзяюся, што ўся справа высветліцца цягам трох дзён", — заявіў Сенкевіч.
Нагадаем, у аўторак хакеры разаслалі электронныя лісты пра “закладзеную выбухоўку” ў 22 установах па ўсёй Польшчы. Былі эвакуяваныя 2,5 тысячы чалавек, аднак бомбы не знойдзеныя.
Групоўку, якая арганізавала акцыю, шукае Аддзел па барацьбе з кіберзлачыннасцю і Агенцтва ўнутранай бяспекі.
Фота — gazeta.pl
