Мінскія ўлады не дазволілі правесці шэсце "Бессмяротнага палка"
"Бессмяротны полк", архіўнае фота / Еўрарадыё
Мінгарвыканкам не даў дазвол на шэсце "Бессмяротнага палка" 9 траўня, заўважыла Радыё Свабода.
Аргкамітэт акцыі заклікаў ахвотных ускласці кветкі на плошчы Перамогі і прынесці з сабой партрэты сваякоў — удзельнікаў Вялікай Айчыннай вайны.
Дарэчы, летась у сталіцы такое шэсце таксама не дазволілі. Не ўдалося ініцыятарам і зарэгістраваць арганізацыю "Бессмертного полка".
Дарэчы, у Віцебску і Брэсце ўдзельнікі "Бессмяротнага палка", як паведамлялася, пройдуць шэсцем у рамках акцыі "Беларусь памятае".
Акцыя "Бессмяротны полк" зарадзілася ў Расіі ў 2012 годзе як грамадская ініцыятыва. Аднак пазней улады прыстасавалі яе для прапагандысцкіх мэтаў. Цяпер "Бессмяротны полк" стаў такім жа сімвалам "рускага свету" як георгіеўская стужка.
