Мэру Нью-Ёрка адправілі ліст з атрутай, пацярпелі паліцыянты
У канверце для Майкла Блумберга знаходзілася моцнадзейная атрута рыцын.
Паліцыянты, якія вывучалі ліст да выяўлення шкоднага рэчыва, атрымалі лёгкае атручванне, але пазней сімптомы зніклі. Справу расследуюць паліцыя і антытэрарыстычнае падраздзяленне ФБР.
Вядома, што ў лісце змяшчаліся пагрозы на адрас мэра ў сувязі з дэбатамі аб нашэнні зброі. Падобны ліст з атрутай атрымаў і дырэктар арганізацыі "Мэры супраць незаконнай зброі".
