У Мінску на Renault з паўпрычэпа ўпала бытоўка (фота)

У Мінску на прыпаркаваны Renault з паўпрычэпа падчас руху ўпала бытоўка. Здарэнне адбылося ўдзень 17 кастрычніка на вуліцы Яна Чачота. У ДАІ кажуць, што кіроўца МАЗа не пракантраляваў, як быў размешчаны і замацаваны груз. Бытоўка звалілася на легкавік, калі грузавік праязджаў па мясцовым праездзе. На шчасце, ніхто з людзей не пацярпеў, інфармуе minsknews.by.

Гаспадара і яго блізкіх у аўтамабілі ў момант здарэння не было. Renault атрымаў сур'ёзныя пашкоджанні. Супрацоўнікі ДАІ праводзяць праверку.