Праваабаронца “Вясны” атрымала прапанову вярнуцца ў Беларусь па "прыкладзе" Мельнікавай
Скульптура "Пасажырка" / matsam.livejournal.com
Праваабаронца “Вясны” Анастасія Васільчук атрымала ў Instagram паведамленне ад карыстальніка hemel_son з прапановай “ўзаемавыгаднага супрацоўніцтва” з магчымасцю “вярнуцца на Радзіму”.
У канцы паведамлення аўтар прывёў як “прыклад” Анжаліку Мельнікаву.
Былая спікерка Каардынацыйнай рады знікла ў сакавіку 2025 года, а яе далейшае месцазнаходжанне да гэтага часу дакладна невядомае.
Гэты выпадак паказвае, што беларускія спецслужбы працягваюць спрабаваць кантраляваць і ўплываць на беларусаў, якія знаходзяцца за мяжой.
