Вы тут

Па кніжцы за паўтара дня: Максім Знак прачытаў за кратамі 314 кніг

Максім Знак / Еўрарадыё

Максім Знак прачытаў за кратамі 314 кніг — па адной кніжцы за паўтара дня. Пра гэта палітвязень распавёў у лісце да свайго брата Аляксандра.

“Дарэчы, мне да гэтага часу часта пішуць – пачытай тое, пачытай гэта. Я б рады, але ж я гуляю ў марскі бой з бібліятэкай. Чытаць магу толькі тыя кнігі, якія тут ёсць, і не заняты яшчэ. А якія тут ёсць я не ведаю, пакуль не падам заяўку”, — піша Максім.

На паседжанні 24 снежня Вярхоўны суд пакінуў у сіле прысуд Марыі Калеснікавай і Максіму Знаку — актывістам штаба Віктара Бабарыкi.

У верасні 2021-га Калеснікава была асуджана на 11 гадоў пазбаўлення волі, Знак — на 10 гадоў. Іх прызналі вінаватымі ў "змове з мэтай захопу дзяржаўнай улады", "закліках да дзеянняў, накіраваных на нанясенне ўрону нацыянальнай бяспецы краіны" і "стварэнні экстрэмісцкага фарміравання". Палітвязні сваёй віны не прызналі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.