На Гомельшчыне выявілі грыбы і ягады з павышаным узроўнем радыяцыі
Лісічкі (ілюстрацыйнае фота) / pixabay.com
На Гомельшчыне выявілі грыбы і ягады з павышаным узроўнем радыяцыі. Гаворка пра лісічкі, сыраежкі і чарніцы. Такія факты ў чэрвені зарэгістраваныя ў Брагінскім, Буда-Кашалёўскім, Добрушскім, Ельскім, Жлобінскім, Кармянскім, Лельчыцкім, Нараўлянскім і Рэчыцкім раёнах, паведамляе "Гомельская праўда".
У Нараўлянскім раёне ўзровень утрымання цэзія-137 у асобных пробах грыбоў былі ў дзевяць разоў большыя за норму.
Сцвярджаецца, што на Гомельшчыне "перавышэнняў гігіенічных нарматываў утрымання цэзія-137 і стронцыя-90 у харчовых прадуктах і вадзе не ўстаноўлена".
