Вы тут

Лукашэнка павіншаваў Зяленскага з перамогай на выбарах ва Украіне

Уладзімір Зяленскі пасля перамогі на прэзідэнцкіх выбарах / Reuters

22 красавіка Аляксандр Лукашэнка павіншаваў Уладзіміра Зяленскага з перамогай на прэзідэнцкіх выбарах ва Украіне, інфармуе прэс-служба беларускага кіраўніка.

"Пацвярджаю, Беларусь заўсёды была і застанецца для Украіны прадказальным партнёрам, надзейным суседам і добрым сябрам", — гаворыцца ў віншаванні Лукашэнкі.

Беларускі кіраўнік выказаў спадзяванне, што дзейнасць Зяленскага на пасадзе прэзідэнта паспрыяе росквіту Украіны, усталяванню міру і грамадзянскай згоды.

Дарэчы, Пятра Парашэнку з перамогай на прэзідэнцкіх выбарах у 2014 годзе беларускі кіраўнік павіншаваў толькі праз тры дні пасля галасавання.