"Крамбамбуля" спела са Стыльскім, Клюевым і Дзянісавым. Фотарэпартаж
"Крамбамбуля" сыграла другі канцэрт у Мінску за апошнія 10 гадоў. Святочны душэўны выступ адбыўся ў сталічным Prime Hall 21 снежня. Лявон Вольскі і партызанскі атрад (а вядома, што "Крамбамбуля" год таму ў Вільні аб'явіла пра сыход у лясы і адмовілася запісваць новыя альбомы) выканалі пад 40 сваіх найлепшых песень.
Дапамаглі ім гэтым разам нечаканыя госці — лідар "Дай Дарогу!" Юра Стыльскі, удзельнік LSP Пётр Клюеў і Алесь Дзянісаў з "Дзецюкоў".
Яшчэ гурт уручыў узнагароды героям 2017 года, якіх вызначалі прыхільнікі гурта: за свае добрыя справы яны атрымалі медалі і ганаровыя граматы.
