Ад сёння жыхары 38 краінаў Еўропы могуць прыехаць у Беларусь без візы
Чыгуначны вакзал Мінска / hata.by
Ад сёння жыхары шэрагу краінаў Еўропы могуць уехаць у Беларусь без візы. Упершыню безвізавы рэжым для грамадзянаў у тым ліку Еўрапейскіх краінаў уводзілі ў 2017 годзе. Але тады ад замежнікаў патрабавалі прылятаць у Беларусь толькі праз Нацыянальны аэрапорт Мінск. У астатніх выпадках па-ранейшаму трэба было адкрываць візу.
Але з траўня 2021 года еўрапейскім авіяперавозчыкам забаронена знаходзіцца ў паветранай прасторы Беларусі. Таму "новы безвіз" дазваляе прыбыццё замежнікаў праз любыя аўтадарожныя і чыгуначныя міжнародныя пункты пропуску.
З 2022 года такой жа опцыяй маглі карыстацца грамадзяне Польшчы, Літвы і Латвіі. Прытым урад Літвы неаднаразовы папярэджваў сваіх грамадзянаў пра небяспеку наведвання Беларусі. Літоўскія чыноўнікі заяўлялі, што падчас такога падарожжа грамадзяце Літвы могуць быць дапытаныя і завербаваныя супрацоўнікамі беларускіх спецслужбаў.
З 19 ліпеня знаходжанне на тэрыторыі Беларусі без візы дазволілі грамадзянам яшчэ 35 краінаў Еўропы. Але яны не павінныя затрымлівацца ў Беларусі больш, чым на трыццаць сутак з дня ўезду.
