Зрабіць футболкі з перадвыбарчым лозунгам Лукашэнкі — ідэя "Беллегпрама"
![Зрабіць футболкі з перадвыбарчым лозунгам Лукашэнкі — ідэя "Беллегпрама"](/sites/default/files/styles/gallery_main/public/2023-08/a99c813a7da8f7ee72ea5f3055d09cb7bf642c650250dfdf51pimgpsh_fullsize_distr.jpg.webp?itok=kJZiI8TU)
У мінскіх універмагах ЦУМ і ГУМ у продажы з'явіліся футболкі з перадвыбарчым лозунгам Аляксандра Лукашэнкі: "За будучыню незалежнай Беларусі!" Зрабілі гэтыя футболкі на жодзінскай фабрыцы "Світанак", а прадаюць іх у аддзелах нацыянальнай сімволікі.
Як даведалася Еўрарадыё, ідэя іх зрабіць належыць дзяржаўнаму канцэрну "Беллегпрам". Вось што распавялі на фабрыцы "Світанак":
"Гэта замаўляў наш канцэрн, ідэя ўзнікла такая ўнутры канцэрна "Беллегпрам". Але гэта і ідэя фабрыкі таксама".
Кошт адной футболкі 104 200 рублёў, а з каўняром — 193 200 рублёў.
Фота Змітра Лукашука, Еўрарадыё