Як зборная Беларусі па хакеі перамагала Расію на чэмпіянатах свету (відэа)
Беларусы гулялі з расіянамі 11 разоў: 1 перамога, 1 нічыя і 9 паражэнняў. Напярэдадні чарговага матчу Еўрарадыё прыгадвае гісторыю супрацьстаяння.
9 траўня ў 13.15 зборная Беларусі па хакеі згуляе з камандай Расіі на чэмпіянаце свету, які праходзіць у Чэхіі. Нашы пасля сенсацыйнай перамогі над амерыканцамі (5:2) выйдуць на лёд у якасці лідараў групы В, усходнія суседзі займаюць трэці радок і адстаюць ад нас на 3 ачкі.
У 11 гульнях на топ-турнірах зборная Беларусі па хакеі толькі аднойчы выйграла ў расіян. Здарылася гэта 15 гадоў таму на чэмпіянаце свету, які праходзіў у Санкт-Пецярбургу. Адзіную шайбу ў матчы закінуў Уладзімір Цыплакоў з перадачы сённяшняга капітана Аляксея Калюжнага.
Яшчэ была нічыя 2:2 у 1999 годзе (тады на групавой стадыі овертаймы не разыгрываліся) і нічыя ў асноўны час на першынстве 2008 года (нашы ў выніку саступілі па булітах). Усе астатнія гульні — за расіянамі, хоць перамагаць беларусаў ім было не так і проста — у большасці матчаў нашы саступалі з розніцай у 1-2 шайбы.
|
Беларусь |
Расія |
|
|
18.02.1998 Алімпіяда, ¼ фіналу |
1 |
4 |
|
02.06.1999 Чэмпіянат свету |
2 |
2 |
|
07.06.2000 Чэмпіянат свету |
1 |
0 |
|
14.02.2002 Алімпіяда, групавы раўнд |
4 |
6 |
|
23.02.2002 Алімпіяда, матч за 3 месца |
2 |
7 |
|
05.06.2005 Чэмпіянат свету |
0 |
2 |
|
08.06.2006 Чэмпіянат свету |
2 |
3 |
|
09.06.2008 Чэмпіянат свету |
3 |
4 (па булітах) |
|
06.06.2009 Чэмпіянат свету, ¼ фіналу |
3 |
4 |
|
13.05.2010 Чэмпіянат свету |
1 |
3 |
|
20.06.2014 Чэмпіянат свету |
1 |
2 |
|
Усяго забіта: |
20 |
37 |
