У адстаўку з пасады кіраўніка федэрацыі тэніса пайшоў сябар Лукашэнкі
У адстаўку з пасады кіраўніка Беларускай тэніснай федэрацыі пайшоў Сяргей Цяцерын. Як паведамляе яе прэс-служба, Цяцерын падаў заяву 2 жніўня. Новага кіраўніка могуць выбраць у верасні.
Бізнесмен Сяргей Цяцерын ачоліў федэрацыю ў траўні 2017-га, ён змяніў на гэтай пасадзе Аляксандра Шакуціна (ён кіраваў з 2012-га). І Шакуцін, і Цяцерын — сябры Аляксандра Лукашэнкі.
Адстаўка 60-гадовага Сяргея Цяцерына звязана з няўдалымі выступленнямі тэнісістаў на Алімпіядзе, піша @sputnikby.
