SpaceX пакуль не змагла запусціць самую вялікую ракету ў гісторыі
Узніклі праблемы з клапанам ціску, які "замёрз" / twitter.com/SpaceX
17 красавіка SpaceX не змагла запусціць самую вялікую ракету-носьбіт у гісторыі — Starship. Запуск адклалі праз тэхнічную няспраўнасць, паведаміў заснавальнік кампаніі Ілан Маск. Спецыялісты мяркуюць, што ўзніклі праблемы з клапанам ціску, які "замёрз".
"Сёння шмат чаму навучыліся, цяпер выгружаем паліва, паўторым спробу праз некалькі дзён", — піша Маск.
Пра Starship гавораць, як пра адзін з самых чаканых касмічных стартаў 2023 года. Шматразовая і самая магутная ракета ў гісторыі чалавецтва мусіць наблізіць вяртанне людзей на Месяц і палёт на Марс.
Вышыня ракеты 120 метраў, яе дыяметр — 9 метраў.
