Вы тут

Ноч на мяжы з Беларуссю была неспакойнай — пагранслужба Польшчы

На польска-беларускай мяжы​ / twitter.com/Straz_Graniczna

Мінулая ноч для польскіх памежнікаў выдалася неспакойнай, распавялі ў памежным ведамстве Польшчы.

Раніцай у нядзелю ў раёне мяжы ля вёсак Чаромха і Шудзялава былі затрыманыя 33 замежнікі, якія спрабавалі сілай фарсіраваць мяжу. У польскай памежнай службе адзначылі, што пры спробе прарвацца праз мяжу "замежнікі і сілавікі кідалі ў бок патрулёў не толькі камяні, але і петарды".

У выніку пацярпела супрацоўніца памежнай службы. З траўмай галавы яе даставілі ў бальніцу.

Субота на гэтым фоне прайшла амаль без здарэнняў. Незаконна перайсці мяжу спрабавалі усяго 10 чалавек.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.