Вы тут

“Неверагодныя”: гісторыя доктара, якога звольнілі за подпіс за Бабарыку

Доктар Максім Ачарэтні / Еўрарадыё

30 красавіка стала вядома, што з 3-й дзіцячай бальніцы Мінска звольнілі яе галоўнага доктара Максіма Ачарэтняга. Адміністрацыя растлумачыла, што працоўныя адносіны прыйдзецца скасаваць, бо вядомы ў Беларусі анестэзіёлаг-рэаніматолаг падчас перадвыбарчай кампаніі падпісаўся за кандыдата ў прэзідэнты Віктара Бабарыку. Таксама медык узяў на працу звольненых раней Рустама Айзатуліна і Андрэя Вітушку.

Падчас першай хвалі COVID-19 менавіта Максім Ачарэтні запусціў флэшмоб "Я буду на працы. Будзьце, калі ласка, дома". Гэту акцыю падтрымалі іншыя медыкі. На той час беларускія ўлады адмаўлялі шырокае распаўсюджанне захворвання ў краіне. 

Праз складаную сітуацыю ў Беларусі Максім Ачарэтні быў вымушаны шукаць працу за мяжой. 7 чэрвеня ён патэлефанаваў Еўрарадыё і расказаў, што ўладкаваўся дзіцячым анестэзіёлагам у шматпрофільную клініку Odrex у Адэсе.  

Чаму ў Беларусі не хапае дактароў, а высокакваліфікаваныя медыкі з’язджаюць з краіны? Што павінна здарыцца, каб сітуацыя змянілася? На гэтыя ды іншыя пытанні разважаем у чарговым выпуску праграмы “Неверагодныя”.

“Неверагодныя” — праграма на Еўрарадыё, у якой мы размаўляем са шчырымі, яркiмі, адметнымі беларусамі, якія не баяцца рызыкаваць у імя светлай будучыні сваёй краіны. Нашыя героі — гэта людзі, упэўненыя, што барацьба за свабоду, правы чалавека, незалежнасць сёння залежыць ад кожнага з нас. Яны не саромяцца гаварыць на вострыя тэмы, адкрыта заяўляюць пра сваю грамадзянскую пазіцыю, робяць крокі ў бок перамен і натхняюць на іх усіх нас.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.