Намеснік камандзіра палка Каліноўскага не будзе ўдзельнічаць у выбарах у КР
![Вадзім Кабанчук і камандзір палка Дзяніс Прохараў ("Кіт")](/sites/default/files/styles/gallery_main/public/2024-04/22222.jpg.webp?itok=fsfS8KNi)
Вадзім Кабанчук і камандзір палка Дзяніс Прохараў ("Кіт") / t.me/belwarriors/
Намеснік камандзіра палка імя Каліноўскага Вадзім Кабанчук (пазыўны "Ігар") не будзе ўдзельнічаць у выбарах у Каардынацыйную раду. Ён напісаў у выбарчую камісію заяву пра выхад са спісу "Воля", які ачольвае. Як даведалася Еўрарадыё, новым лідарам спісу стане былы баец ПКК Аляксандр Клачко з пазыўным "Кусь".
Раней Рада камандзіраў палка дазволіла добраахвотнікам удзельнічаць у выбарах толькі з умовай паніжэння пасады да жаўнера або сыходу з падраздзялення. Кабанчук, відавочна, паміж паніжэннем, сыходам ці адмовай ад удзелу ў выбарах спыніўся на апошнім варыянце.
Аляксандр Клачко летась паўдзельнічаў у праграме Еўрарадыё “Ідэя Х”.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.