"Мінскпраект" пракаментаваў з'яўленне "сіямскіх пісуараў" на стадыёне "Дынама"

"Мінскпраект" пракаментаваў з'яўленне "сіямскіх пісуараў" на стадыёне "Дынама"

"Мінскпраект" пракаментаваў з'яўленне "сіямскіх пісуараў" на стадыёне "Дынама". Фота, якое з'явілася на сайце nn.by, шырока разышлося ў інтэрнэце. Намеснік галоўнага інжынера Лізавета Магова ў інтэрв'ю by.tribuna.com кажа, што ў праектным рашэнні такога няма.

"Сама не наведвала, не была, — гаворыць Магова. — Мая версія: гістарычная сценка апынулася больш адхіленая — зрабілі зашыўку". Паводле яе слоў, у праектным рашэнні ёсць кутняе размяшчэнне пісуараў, але там вытрымліваецца пэўная адлегласць. У рэальнасці ж усё наадварот. Магчыма, што адзін з пісуараў проста "зрушыўся". Найхутчэй "лішні" будзе дэмантаваны, кажа прадстаўніца "Мінскпраекта".

"У нас 24 тысячы квадратных метраў толькі на заходняй трыбуне, — адказвае Лізавета Магова на пытанне, як жа прынялі такі "аб'ект". — Уявіце, якія гэта адлегласці. Ёсць камісія, але, магчыма, менавіта ў гэты канкрэтны туалет яна не зайшла".

Таксама Магова паведаміла, што на працягу двух тыдняў будзе вырашана праблема з вадасцёкавымі трубамі на "Дынама". Вада падчас дажджу лілася проста на месцы для людзей з абмежаванымі магчымасцямі.

Апошнія навіны

Галоўнае

Выбар рэдакцыі