Украіна ўвяла санкцыі супраць міністра спорта Беларусі і кіраўніка "Белай Русі"
Максім Недасекаў на Алімпіядзе ў Токіа / Reuters
Уладзімір Зяленскі 15 красавіка ўвёў санкцыі супраць беларускіх і расійскіх чыноўнікаў і спартоўцаў. З беларусаў пад абмежаванні трапілі скакун у вышыню Максім Недасекаў, міністр спорту Сяргей Кавальчук і старшыня партыі "Белая Русь" Алег Раманаў.
Усе яны адкрыта падтрымліваюць Лукашэнку (Кавальчук увогуле ў мінулым працаваў у Службе бяспекі кіраўніка Беларусі) і Расію ў вайне супраць Украіны.
Цяпер Кавальчук, Раманаў і Недасекаўне змогуць уехаць ва Украіну і валодаць там маёмасцю. Іх актывы (калі яны там ёсць) будуць заблакаваныя. Санкцыі ўводзяцца на 50 гадоў.
Міністэрства замежных справаў Украіны прапануе Еўрасаюзу, ЗША і іншым краінам ўвесцi аналагічныя абмежавальныя меры.
