Намеснік прэм'ера прызнаў "пэўныя складанасці" з якасцю прадукцыі "Белшыны"
Сярод асноўных задач "Белшыны" — "імпартазамяшчэнне" / БЕЛТА
Намеснік прэм'ер-міністра Беларусі Пётр Пархомчык у сераду падчас наведвання Бабруйска прызнаў "пэўныя складанасці" з якасцю прадукцыі "Белшыны". У прыватнасці ён згадаў шыны, якімі камплектуюцца беларускія кар'ерныя самазвалы.
"Але важна, што "Белшына" наладжвае эфектыўнае супрацоўніцтва з нашымі акадэмікамі, навукоўцамі, якія ўзяліся вырашыць гэтае і шэраг іншых пытанняў, — цытуе словы Пархомчыка БЕЛТА. — ...Але трэба разумець, што працэс гэта не хуткі. Каб пераканацца ў правільнасці і ўзважанасці зробленых крокаў, неабходна правесці эксплуатацыйныя выпрабаванні ў розных умовах, а яны могуць заняць каля года".
Сярод асноўных задач, якія стаяць перад "Белшынай", — "праца ў галіне імпартазамяшчэння".
