Футбалістам гродзенскага "Нёмана" не плацяць заробкі некалькі месяцаў
21 верасня яны нават планавалі затрымаць пачатак хатняга матчу з клубам "Мінск". Гульня, дарэчы, скончылася з лікам 2:4 на карысць гасцей.
На пасляматчавай прэс-канферэнцыі галоўны трэнер "Нёмана" распавёў, што каманда шэсць месяцаў не атрымлівае кантрактны заробак і тры месяцы — бюджэтны.
Паводле неафіцыйнай інфармацыі, перадае Гродзенскі блог s13, "Нёман" завінаваціўся гатэлям, кавярням і іншым службам, якія абслугоўваюць клуб. Паліва на выязной матч аплочваецца з кішэняў супрацоўнікаў.
Футбалісты кажуць, што што калі не будзе грошай, то наступны матч чэмпіянату яны затрымаюць на 15 хвілін. А потым могуць не выйсці зусім.
Дарэчы, пазыкі клуба цягнуцца яшчэ з мінулага сезону, прэміяльныя за яго футбалістам дагэтуль не выплачаныя.
Фота — s13.ru
