Жыхароў Брэстчыны заклікалі рыхтавацца да нашэсця мошак
Мошкі, ілюстрацыйнае фота
Жыхароў Брэсцкай вобласці заклікалі рыхтавацца да нашэсця мошак. Іх масавы вылет чакаецца ў рэгіёне ў першай-другой дэкадзе траўня, папярэджвае абласны цэнтр гігіены, эпідэміялогіі і грамадскага здароўя.
Пік вылету будзе трымацца не больш за два тыдні. Пасля гэтага колькасць мошак рэзка скароціцца.
У Брэсцкім эпідцэнтры ўдакладнілі падрабязнасці: "Паводле энтамалагічных абследаванняў, праведзеных 22.04.2026, у рацэ Буг (раён Брэсцкай крэпасці) выяўленыя лічынкі і кукалкі крывасмактальных мошак сярэдневясенніх відаў ў невысокай колькасці. Такім чынам, пры захаванні стабільнага цёплага надвор'я вылет крывасмактальных мошак прагназуецца ў першай-другой дэкадзе траўня".
Спецыялісты нагадалі, што мошкі маюць таксічную сліну, якая выклікае моцныя алергічныя рэакцыі. У выніку людзі вымушаныя звяртацца ў медустановы.
