Затрыманыя яшчэ два падазраваныя ў зверскім забойстве 19-гадовай дзяўчыны
Працягваецца расследаванне злачынства, здзейсненага ў Рэчыцы.
Нагадаем, труп 19-гадовай дзяўчыны знайшлі раніцай 29 жніўня каля Дома творчасці моладзі. Смерць была гвалтоўная, на целе выявілі шматлікія пашкоджанні, у тым ліку сляды ад удараў. Паводле папярэдняй інфармацыі, прычынай смерці сталі пашкоджанні ўнутраных органаў.
У той жа дзень затрымалі падазраванага — 19-гадовага мясцовага жыхара, які раней ужо трапляў за краты. Хлопец быў знаёмы з дзяўчынай.
Таксама па падазрэнні ў датычнасці да злачынства затрымалі яшчэ дваіх маладых людзей.
БелаПАН адзначае, што распачатая крымінальная справа па артыкуле "забойства з асаблівай жорсткасцю". Максімальнае пакаранне — выключная мера.
Фота — ria.ru, nn.by
