У жахлівай аўтааварыі пад Дзяржынскам загінуў трохгадовы хлопчык
Трагічнае здарэнне адбылося ўдзень 12 чэрвеня.
Як інфармуе прэс-служба МНС, адбылося сутыкненне "Рэно-Лагуны" і грузавіка "Сканія". Паводле папярэдняй версіі, легкавік затармазіў перад камерай відэафіксацыі, пасля чаго яго і пратараніў грузавік. Ратавальнікі з дапамогай спецінструмента вызвалілі з дэфармаванага легкавога аўтамабіля мужчыну-кіроўцу і жанчыну-пасажырку, якія знаходзяцца ў цяжкім стане. Трохгадовы хлопчык, які таксама быў у "Рэно-Лагуне", памёр у рэанімацыі.
Фота — МНС
