У Тыбеце пяціпавярховы дом змыла ў раку, здарэнне знялі на відэа

Праліўны дождж у тыбецкай акрузе Джомда падмыў падмурак жылога дома. У выніку пяціпавярховік разваліўся і абрынуўся ў раку Цык — адзін з прытокаў Янцзы.

Непадалёк ад гэтага месца рака "праглынула" вялікі чырвоны грузавік. Абодва здарэнні трапілі на відэа.

Працяглыя залевы выклікалі моцныя павадкі ў Тыбеце і на поўдні Кітая. Рэкі выходзяць з берагоў і змываюць усё на сваім шляху.