Фіны асвісталі гімн Беларусі і павесілі банер з Лукашэнкам у выглядзе прусака
Матч паміж зборнымі Фінляндыі і Беларусі ў Лізе нацый пачаўся са скандалу / Tribuna.com
29 верасня зборная Беларусі па футболе правяла другі матч у чарговым розыгрышы Лігі нацый УЕФА. У Хельсінкі падапечныя Віктара Ганчарэнкі згулялі ўнічыю — 0:0 — з Фінляндыяй, набраўшы першы бал у турніры.
Фінскія балельшчыкі перад пачаткам матчу павесілі велізарны банер, на якім Аляксандр Лукашэнка быў намаляваны ў выглядзе прусака, а надпіс на банеры абвяшчаў: "Твой дзень прыйдзе".
Затым падчас выканання гімна Беларусі стадыён пачаў свістаць і гудзець.
Сама гульня запомнілася двума адмененымі галамі беларусаў пасля прагляду суддзёй VAR і адмененым пенальці ў браму Беларусі.
"Белакрылыя" набіраюць першы бал. Нагадаем, што раней беларусы прайгралі Албаніі з лікам 0:2.
3 кастрычніка каманда Ганчарэнкі згуляе супраць Сан-Марына, а 6 кастрычніка — зноў супраць Фінляндыі.
