У Беларусі прагназуецца анамальна цёплае надвор'е

У Беларусі прагназуецца анамальна цёплае надвор'е. Сярэдняя тэмпература паветра на бягучым тыдні будзе перавышаць кліматычную норму на 4-8 градусаў, паведамляе тэлеканал АНТ.

У аўторак, 5 красавіка, уначы яшчэ будзе ад 1 градуса марозу да 6 цяпла, удзень — 13-19 градусаў са знакам плюс. Без ападкаў. У сераду, 6 красавіка, у начныя гадзіны чакаецца ўжо 2-9 цяпла, у дзённыя — 15-20 градусаў, а на Брэстчыне — да плюс 24. Дажджы і навальніцы магчымыя толькі ўдзень на паўночным захадзе краіны.

У чацвер, 7 красавіка, уначы будзе 4-11 градусаў са знакам плюс, удзень — 12-18, а на поўдні — 19-22 цяпла. Кароткачасовыя дажджы і навальніцы магчымыя ў начныя гадзіны месцамі па Беларусі, а ў дзённыя — у Гомельскай вобласці.

У пятніцу-суботу, 8-9 красавіка, уначы тэмпература паветра складзе ад 4 да 13 цяпла, удзень — плюс 16-23, у Гомельскай вобласці — да плюс 25, а ў паўночна-заходніх раёнах — 12-15 градусаў вышэй за нуль. Ападкі прагназуюцца пераважна на паўночным захадзе Беларусі.